Главная » Произведения » Шайхзада Бабич » Стихи |
Йөрөгән саҡта башҡорт туғайҙарын
Йәнем әллә ҡайҙа елкенә; Ишеткәндә моңло ҡурайҙарын, Йөрәгемә моңдар бөркөлә. Тауҙарына менһәм, ҡырҙа йөрөһәм, Балҡый йәннәт нуры — гөлостан, Меҫкен башҡорт ауылын килеп күрһәм, Аңҡый хәсрәт, үлем — гүрестан. Гүрестандай ғәмле ауылдарҙа Ҡыбырлаша йәнле мәйеттәр, Йәнле мәйеттәрҙең ғәмен көйләп, Илап аға Һаҡмар, Яйыҡтар. Янып-көйөп, бәғерем өҙгөләнеп, Ләғнәт уҡыйым, кемгә — белмәйем, «Килер микән аҡ көн беҙгә лә?» тип, Уралҡайға ҡарап илайым. Күрәм: үҙ олпатын боҙмай һаҡлап, Урал ята әкрен, тын ғына; Ала шунда йәнде тынлыҡ ҡаплап, Килә башлай тәмле уй ғына... Ишеткәндәй булам әллә ҡайҙан Ырыҫ, бәхет, өмөт йырҙарын; Өмөт ҡайнап, ташып күкрәгемдән, Көтәм тиҙҙән аҡ көн тыуғанын. 1916 Стихи ко Дню Победы | |||
| |||
Прочитано 8177 раз(а) Перейти к содержанию: Шайхзада Бабич, Стихи
|
Напишите в комментариях, какой стих вы ищете, и он обязательно появится на страницах нашего сайта | |