Башкирский Сайт

Осраштыҡ беҙ ниңә һинең менән,
Ниңә үтә һуң?
Эй һин ғүмер, ниңә бергә түгел,
Арабыҙҙан ғына үтәһең?

Айырылышҡанбыҙҙыр, бәлки, иртә,
Бэлки, үтә иртә.
Орлоҡ ҡойған мәлдә ҡайсаҡ гөлгә
Ел ҡағылып үтә.

Парлап төшкән ике орлоҡтоң береһен
Алып китә алыҫ.
Ел — уҙғынсы. Нимә уға һөйөү,
Нимә уға һағыш.

Ярай әле һине ташламаған
Үтә йыраҡҡа.
Сал башымды эйеп, рәхмәт әйтәм
Елгә, тупраҡҡа.

1971