Мый — россиянин (Марийский язык) - Мустай Карим, Стихи - Башкирский язык, башкирские песни, башкирский переводчик онлайн
Приветствую Вас, Гость! Регистрация RSS
Суббота, 03.12.2016
Главная » Произведения » Мустай Карим » Стихи

Башкирский Сайт теперь вконтакте, вступить

Мый — россиянин (Марийский язык)


Руш омыл мый, но россиянин. Ынде
Мый эрыкан, виян, лӱдде ойлем:
Ужар мый тумо семын кӱшнӧ кушкым,
Россий эҥер вӱдлам йӱын илен.

Шке илыш дене кугешнен кертам мый —
Ик пӱрымаш руш дене мыланна.
Пырля ныл курым подвиг-влак, чап дене
Вожге мемнан кылдалтыч тукымна.

Москва шукерте, келшымаш йӱкемым колын,
Вашеш пелештыш, вий дене темалт.
И руш изай — тӱняште мо гын кӱкшӧ уло! —
Шке пӱрымашыжым кылдыш, пырля ушналт.

Руш омыл мый, но россиянин. Манме
Тек ӱмыреш, кугешне, тый чонем!
Вич илышым тый пу! Кертеш тӧр лийын
Нунын денат ик илыш курымем.

Башкир ден руш — йолгорнышто йолташмыт,
Пӱрӧ уло гын, нуно — ӱстелтӧр уна,
Соратник-влак — салтак тревога годым,
Колат гын, йыгыре шӱгарышт верлана.

Кунам гын иза семын шупшалалтыч
Кугезе Пугачев ден Салават,
Таҥ келшымаш дене поян улшо чонетын
Йӧратымашыже шукеме, руш изай.

Руш омыл мый, но россиянин. Кӱкшӧ
Честьшат уке. Совет элнан мый эргыже улам.
Пырля илшаш, налшаш вет мыланнаже
Йылгыж-чолгыж волгалтше кӱкшытлам.

Чон велне — шошо ӱжаран вӱдшоржо,
Шинчашке мыйын кечыйол пурыш.
А шӱмыштӧ — куан сандалык муро,
Памаш гай кудо курымла гыч вошт лектеш.

Айдемыным йӧратышым мый вийжым,
Илыш куанлан лие тунемаш.
Чыла тидлан, чыла тидлан — тылатше
Мый таум, руш изай, каласышаш.

Тый мыйын киндемлан вет пуыч тамым,
Вӱдемжым илыше тый ыштенат.
Калык куанже верчын калыкемым
Вес калык дене тый тӱгалленат.

Руш омыл мый, но россиянин. Манме
Тек ӱмыреш, кугешне, тый чонем!
Лу илышет денат кертеш тӧр лийын
Мыйын ик илыш тиде курымем.



Стихи ко Дню Победы


Показать похожие стихотворения
Искать стихи на тему:
башкиры, Башкирия, Россия
Прочитано 1968 раз(а)
Перейти к содержанию: Мустай Карим, Стихи


Напишите в комментариях, какой стих вы ищете, и он обязательно появится на страницах нашего сайта
Добавлять комментарии могут только зарегистрированные пользователи.
[ Регистрация | Вход ]