Шинель - Даут Юлтый, Стихи - Башкирский язык, башкирские песни, башкирский переводчик онлайн

Башкирский Сайт теперь вконтакте, вступить

Шинель

Эй шинель, минән иҫәпһеҙ Афарин, рәхмәт һиңә.
Һаҡлайһың ямғыр, һыуыҡ елдән, файҙаң күп миңә.
Аҫҡа түшәк, өҫкә юрған,

Башҡа мамыҡ мендәрем,
Барлығы — һин, йылытаһың
Аҫтында туңған төндәрем.

Һин минең шәфҡәтле әсәм,
Мәрхәмәтле ҡәрҙәшем.
Күп ауырлыҡ, ҡайғыға Уртаҡлыҡ иткән иптәшем.

Йоҡланыҡ һалҡын, еүеш Зимләнкәләрҙә күп ваҡыт,
Аҙмы һуғыштарҙа йөрөнөк
Ҡан вә һаҙҙарға батып!

Эй шинель, минән иҫәпһеҙ Афарин, рәхмәт һиңә,
Һаҡлайһың ямғыр, һыуыҡ елдән, файҙаң күп миңә!

1915

Прочитано 3808 раз(а)

Перейти к содержанию: Даут Юлтый, Стихи

Напишите в комментариях, какой стих вы ищете, и он обязательно появится на страницах нашего сайта

Добавлять комментарии могут только зарегистрированные пользователи.
[ Регистрация | Вход ]