Башкирский Сайт

Һин ҡайтманың, Жәлил, Һинең йөрәгеңдең ялҡынын,
Нәфрәт һәм мөхәббәт йыры булып,
Һинең "Ҡошсоҡ" ҡайтты талпынып.
Йөрәктәрҙе Хәбәр алып килде ҡошсоғоң.
Мин бәхетле: Янып көл булманы дуҫлығым.
Ҡошсоҡ әйтте: Ҡайғы баҫып тора төрмәлә.
Мин шатлығың булып баҫыр инем,
Әгәр бара алһам эргәңә.
Яңы йылды беҙ күп ҡаршыланыҡ,
Һин булманың, Жәлил, табында.
Илай-илай ҡосор инек, Ғаиләң һәм дуҫтарың янында.
Тоғро булды Жәлил Ҡаны менән яҙған антына.
Беҙ ышандыҡ:
Барын бирер ине халҡына.
Ҡалды теләк: Еңел булһын ауыр тупрағы.
Тупрағыңдың ауырлығын, Жәлил,
Күтәрешә һинең дуҫтарың.
Ләкин тупраҡ күмә алманы һис
Ялҡынлы йыр тулы күңелде.
"Был үлем" тип әйтеп булмай, Жәлил,
Үҙең үлтерҙең һин үлемде.

1956