Приветствую Вас, Гость! Регистрация RSS
Суббота, 23.11.2024
Главная » Произведения » Рами Гарипов » Стихи
Башкирский Сайт теперь вконтакте, вступить

Йырҙарыма ҡайтам


    Ҡайтам! Ҡайтам!
      Йырҙарыма ҡайтам!
    Ҡалып тор һин, гүзәл баш ҡалам.
    Минһеҙ ҙә бит бер ни булмаҫ һиңә,
    Һин шауларһың минән башҡа ла!
    Ә мин?
    Юҡ, башҡаса булмай!
    Мин тупраҡтан,
      ерҙән яралған,
      ерҙә тыуып-үҫеп,
      ерҙә аунап,
      ерҙән йыйып
      йәнем йыр алған!
    Бөркөт — күктә, суртан һыуҙа тере,
    Ир ҙә тере, илгә - ҡушылһа...

    Нимә өсөн йәшәй ерҙә кеше,
      йөҙмәҫ балыҡ,
      осмаҫ ҡош булһа?
    Һинең бәхетең һуң кемгә кәрәк,
    Үҙ ояңды ғына ҡайғыртһаң?
    Ҡайғың да бит бәхет,
      ваҡ бәхетте —
      бәдбәхетте алып ырғытһаң!..
    Ил бәхете менән бәхетле бул,
    Ил ҡайғыһы менән — ҡайғылы,
    Иң ҙур бәхетһеҙлек булыр ине
    Шул ҡайғынан һиңә айырылыу...

    1960



Стихи ко Дню Победы


Показать похожие стихотворения
Искать стихи на тему:
песни
Прочитано 5837 раз(а)
Перейти к содержанию: Рами Гарипов, Стихи

Напишите в комментариях, какой стих вы ищете, и он обязательно появится на страницах нашего сайта
Добавлять комментарии могут только зарегистрированные пользователи.
[ Регистрация | Вход ]