Бәпес менән һөйләшеү - Мустай Карим, Стихи - Башкирский язык, башкирские песни, башкирский переводчик онлайн
Приветствую Вас, Гость! Регистрация RSS
Суббота, 03.12.2016
Главная » Произведения » Мустай Карим » Стихи

Башкирский Сайт теперь вконтакте, вступить

Бәпес менән һөйләшеү


Туҡмаҡ саҡлы ғына бер кәүҙә
Мыш-мыш килеп ята биләүҙә.

...Муйыл сәскә атҡан эркелеп,
Күктә йәш ай тора бер телем.

Шул сәскә һәм айҙан кесе һин,
Тыуҙың икән — инде кеше һин.

Күҙҙәрең бар, әле нур күрмәй,
Ҡолағың бар, уға моң кермәй.

Әйтеләсәк һүҙең — телеңдә,
Янасаҡ ут — йөрәк төбөңдә.

Әлегә һин бахыр бер кәүҙә,
Ятаһың тик мышнап биләүҙә.

Үкенмәҫһең, ышан, һин бер ҙә,
Отолманың тыуып был ерҙә.

Күңелең күрер ерҙә яҡтылыҡ,
Күҙең күрер ерҙә яҡшылыҡ.

Хуш еҫ килтерерҙәр иртәләр,
Ҡолағыңды моңдар иркәләр.

Мөхәббәттән иҫереп шашырһың,—
Үләндәргә һуҙылып ятырһың.

Ошо ерҙә тамам әңгәмә...
Туҡта, туҡта! Тағы был нәмә?

Күкрәгендә ята йомолоп,
Ике төймә - ике йоҙ(о)роҡ.
Дөрөҫ, улым, улар бик кәрәк —
Оноторға быны иртәрәк.



Стихи ко Дню Победы
Прочитано 1402 раз(а)
Перейти к содержанию: Мустай Карим, Стихи


Напишите в комментариях, какой стих вы ищете, и он обязательно появится на страницах нашего сайта
Добавлять комментарии могут только зарегистрированные пользователи.
[ Регистрация | Вход ]